ഷാഹുല്‍ ഹമീദും ബാദുഷയും രാത്രിയില്‍ ബൈക്കില്‍ സഞ്ചരിക്കുമ്പോള്‍ ആയിരുന്നു സംഭവം. ഇരുവരും മരണവീട്ടിലേക്ക് പോകുന്ന വഴിയാണ് ആക്രമണം ഉണ്ടായത്. ബൈക്ക് തടഞ്ഞുനിര്‍ത്തി ആക്രമിക്കുകയായിരുന്നു. അതേസമയം, ആളുമാറി ആക്രമിച്ചതാണെന്നാണ് പൊലീസ് പറയുന്നത്. പാലക്കുന്ന് കണ്ണംകുളം ഗ്രീന്‍വുഡ് സ്‌കൂളിനുസമീപം നടുറോഡിലാണ് അക്രമം നടന്നത്.
കൊലപാതകത്തെക്കുറിച്ച് പൊലീസ് പറയുന്നത് ഇങ്ങനെ: ഷാഹുല്‍ ഹമീദിന്റെ അടുത്ത ബന്ധു, പി എം അബ്ദുള്ള ഹൃദയാഘാതത്തെ തുടര്‍ന്ന് മരിച്ചിരുന്നു. അവരുടെ വീട്ടിലേക്ക് രാത്രിയില്‍ പോകുമ്പോള്‍ ഗ്രീന്‍വുഡ് സ്‌കൂളിന് മുമ്പിലെ റോഡില്‍ ഒരുസംഘം ആളുകള്‍ ഷാഹുല്‍ ഹമീദും ബാദുഷയും സഞ്ചരിച്ചിരുന്ന മോട്ടോര്‍ബൈക്ക് തടയുകയും ഇരുവരെയു അടിച്ചു വീഴ്ത്തുകയായിരുന്നു.
