വനിത എം എല് എമാര് മാര്ച്ച് 13ന് നല്കിയ പരാതികള് അടിയന്തരമായി പൊലീസിന് കൈമാറണമെന്ന് ആവശ്യപ്പെട്ട് പ്രതിപക്ഷനേതാവ് വി എസ് അച്യുതാനന്ദന് കഴിഞ്ഞദിവസം നിയമസഭ സ്പീക്കര് എന് ശക്തന് കത്തു നല്കിയിരുന്നു. എന്നാല്, വി എസ് സ്പീക്കര്ക്ക് കൈമാറിയ പരാതികള് ഇതുവരെയും പൊലീസിന് അയച്ചുകൊടുക്കാന് തയ്യാറായിട്ടില്ല. ഈ സാഹചര്യത്തിലാണ് എം എല് എമാര് പൊലീസിന് നേരിട്ട് പരാതി നല്കാന് തയ്യാറെടുക്കുന്നത്.
