കഴിഞ്ഞ ശനിയാഴ്ച പള്ളിക്കല്‍ കണ്ടാളസ്വാമി ക്ഷേത്രത്തിലെ ശ്രീകൃഷ്ണജയന്തി ആഘോഷങ്ങളോട് അനുബന്ധിച്ച് ആര്‍.എസ്.എസ്. പ്രവര്‍ത്തകരും ഡി.വൈ.എഫ്.ഐ പ്രവര്‍ത്തകരും തമ്മില്‍ സംഘടനം നടന്നിരുന്നു. ഈ കേസിലെ പ്രതികളായ ചില ഡി.വൈ.എഫ്.ഐ പ്രവര്‍ത്തകരെ അന്വേഷിച്ച് നൂറനാട്ടെ ഒരു സ്വകാര്യ ആശുപത്രിയില്‍ നന്ദകുമാറിന്‍റെ നേതൃത്വത്തിലുള്ള പൊലീസ് സംഘം എത്തി. തുടര്‍ന്ന് ഇരുകൂട്ടരും തമ്മില്‍ വാക്കു തര്‍ക്കമുണ്ടാവുകയും ചെയ്തു.
