ബജറ്റ് അവതരണം നടന്ന ദിവസം നിയമസഭയില്‍ പ്രതിപക്ഷം വനിത എം എല്‍ എമാരെ ചാവേര്‍ പടയായി ഉപയോഗിച്ചെന്ന് മുഖ്യമന്ത്രി ഉമ്മന്‍ ചാണ്ടി. തിരുവനന്തപുരത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. വനിത എം എല്‍ എമാരെ ചാവേര്‍ പടയായി പ്രതിപക്ഷം എന്തിനാണ് മുന്നോട്ട് വിട്ടതെന്നും മുഖ്യമന്ത്രി ചോദിച്ചു.
അതേസമയം, പന്തളം സുധാകരന്റെ ഫേസ്‌ബുക്ക് പോസ്റ്റ് പാര്‍ട്ടിയുടെ നിലപാട് അല്ലെന്ന് ചോദ്യത്തിനു മറുപടിയായി മുഖ്യമന്ത്രി പറഞ്ഞു. കോണ്‍ഗ്രസിന്റെ നിലപാട് കെ പി സി സി വ്യക്തമാക്കിയിട്ടുണ്ട്. മാണി കുറ്റം ചെയ്തതായി കരുതുന്നില്ല. ഇന്നുവരെ നടത്തിയ അന്വേഷണത്തില്‍ ഇക്കാര്യം തെളിഞ്ഞിട്ടില്ലെന്നും മുഖ്യമന്ത്രി പറഞ്ഞു.
