കൊച്ചിയിൽ നടിയെ ആക്രമിച്ച സംഭവത്തിൽ ജയിലിൽ കഴിഞ്ഞ നടൻ ദിലീപിനു കഴിഞ്ഞ ദിവസമാണ് ജാമ്യം ലഭിച്ചത്. നടിയെ ആക്രമിച്ച കേസിൽ ദിലീപിനെ അറസ്റ്റ് ചെയ്തപ്പോൾ താരസംഘടനയായ അമ്മയിൽ നിന്നും ദിലീപിന്റെ പ്രാഥമിക അംഗത്വം റദ്ദാക്കിയിരുന്നു. ഇത് പൃഥ്വിരാജിന്റെ ആവശ്യപ്രകാരം ആയിരുന്നുവെന്നാണ് ഗണേഷ് കുമാർ വെളിപ്പെടുത്തിയത്.
അമ്മ’ ജനറല്‍ സെക്രട്ടറിയായ മമ്മൂട്ടിയുടെ നടപടിയെ സംഘടനയുടെ വൈസ് പ്രസിഡന്റുകൂടിയായ ഗണേഷ് കുമാര്‍ തന്നെ ചോദ്യം ചെയ്തതിനാല്‍ ഇനി ഒരു നിമിഷം പോലും മമ്മൂട്ടി തല്‍സ്ഥാനത്ത് തുടരരുതെന്നാണ് ഒരു വിഭാഗം പറയുന്നത്. ‘ക്രിമിനലാണോ എന്ന് ഓരോ വ്യക്തിയേയും സ്‌ക്രീന്‍ ചെയ്ത് നോക്കാന്‍ പറ്റില്ലല്ലോയെന്ന് ‘ ദിലീപിനെ പുറത്താക്കിയ തീരുമാനം പ്രഖ്യാപിക്കവെ മമ്മൂട്ടി തുറന്നടിച്ചത് ദിലീപിനെ ഏറെ വേദനിപ്പിച്ചിരുന്നു. എന്നും മമ്മൂട്ടിയോടൊപ്പം നിന്നിരുന്ന ദിലീപിനു ഇത് ഏറെ വേദനാകരമായ സംഭവമായിരുന്നുവെന്നാണ് ദിലീപ് ആരാധകർ പറയുന്നത്.
പൃഥ്വിരാജ്, രമ്യ നമ്പീശന്‍, ആസിഫ് അലി എന്നീ മൂവര്‍ സംഘം വാശി പിടിച്ചപ്പോള്‍ പുറത്താക്കലിനു പകരം സസ്‌പെന്‍ഷനിലെങ്കിലും നടപടി ഒതുക്കാമായിരുന്നുവെന്നാണ് ദിലീപിന്റെ ആരാധകരും സിനിമയിലെ ഒരു വിഭാഗവും പറയുന്നത്. യോഗത്തില്‍ നടന്ന കാര്യങ്ങള്‍ വ്യക്തമായി അറിയാവുന്നത് കൊണ്ടാകണം ഗണേഷ് കുമാര്‍ ഇത്തരമൊരു പ്രതികരണം ഇപ്പോള്‍ നടത്തിയതെന്നാണ് ഒരുകൂട്ടർ പറയുന്നത്.
