തൃശൂർ: വിവിധ ആവശ്യങ്ങൾ ഉന്നയിച്ചു കൊണ്ട് ജൂലൈ 22 മുതൽ സ്വകാര്യ ബസുടമകൾ അനിശ്ചിതകാല സമരം നടത്താൻ തീരുമാനിച്ചു. വിദ്യാർത്ഥികളുടെ മിനിമം നിരക്ക് നിലവിലെ ഒരു രൂപയിൽ നിന്ന് 5 രൂപാ ആക്ക റ ഉയർത്തുക ഉൾപ്പെടെ ആറ് പ്രധാന ആവശ്യങ്ങളാണ് ഉന്നയിച്ചിരിക്കുന്നത്. തൃശൂരിൽ ചേർന്ന ബസുടമാ സംയുക്ത സമരസമിതി കൺവെൻഷനിലാണ് ഈ തീരുമാനമെടുത്തത്. ഈ അനിശ്ചിതകാല സമരത്തിനു മുന്നോടിയായി ജൂലൈ എട്ടിന് സൂചനാ സമരവും നടത്തും. തുടർന്ന് ആവശ്യങ്ങൾക്ക് തീരുമാനം ആയില്ലെങ്കിലാണ് അനിശ്ചിത കാല സമരം തുടങ്ങുന്നത്.
