പിസി ജോര്‍ജിനെ യൂത്ത് കോണ്‍ഗ്രസ് പ്രവര്‍ത്തകര്‍ വഴിയില്‍ തടഞ്ഞു
വെള്ളി, 16 ഓഗസ്റ്റ് 2013 (19:31 IST)
PRO
PRO
ഈരാറ്റുപേട്ടയില്‍ സര്‍ക്കാര്‍ ചീഫ് വിപ്പ് പിസി ജോര്‍ജിനെ യൂത്ത് കോണ്‍ഗ്രസ് പ്രവര്‍ത്തകര്‍ വഴിയില്‍ തടഞ്ഞു. പിസി ജോര്‍ജ്ജിന്റെ കോലം യൂത്ത് കോണ്‍ഗ്രസ് പ്രവര്‍ത്തകര്‍ കത്തിക്കുന്നതിനിടെ അതുവഴി വരികയായിരുന്ന ജോര്‍ജിന്റെ വാഹനം പ്രവര്‍ത്തകര്‍ തടയുകയായിരുന്നു.
ഇതേതുടര്‍ന്ന് പിസി ജോര്‍ജ്ജും യൂത്ത് കോണ്‍ഗ്രസ് പ്രവര്‍ത്തകരും തമ്മില്‍ വാക്കേറ്റമുണ്ടായി. തുടര്‍ന്ന് പി സി ജോര്‍ജ് റോഡില്‍ കുത്തിയിരുന്നു. ഏറ്റുമാനൂര്‍- പൂഞ്ഞാര്‍ സംസ്ഥാന പാതയില്‍ ഗതാഗതം തടസപ്പെട്ടു.
