സംസ്ഥാന ധനമന്ത്രി കെ എം മാണിക്കെതിരെ സ്വകാര്യസംഭാഷണത്തില്‍ അഴിമതി ആരോപണം ഉന്നയിച്ച കേരള കോണ്‍ഗ്രസ് (ബി) നേതാവ് ആര്‍ ബാലകൃഷ്‌ണ പിള്ളയ്ക്ക് അനുകൂല നിലപാടുമായി പ്രതിപക്ഷ നേതാവ് വി എസ് അച്യുതാനന്ദന്‍ . നാളെ ചേരുന്ന യു ഡി എഫ് യോഗത്തില്‍ പിള്ളയെ മുന്നണിയില്‍ നിന്ന് പുറത്താക്കാനുള്ള സാധ്യത നിലനില്‍ക്കേ വി എസിന്റെ നിലപാട് ശ്രദ്ധേയമാണ്.
കൊല്ലത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. അഴിമതിക്കെതിരായ പോരാട്ടത്തില്‍ ആരൊക്കെയാണോ ഉള്ളത്, അവരുടെ നിലപാട് ശരിയാണെന്നു തെളിഞ്ഞു കണ്ടാല്‍ ഇക്കാര്യത്തില്‍ അനുകൂലമായ നടപടിയെടുക്കുമെന്ന് വി എസ് പറഞ്ഞു.
