ചീഫ് വിപ്പ് പി സി ജോര്‍ജിന്റെ നടപടി പ്രതിപക്ഷത്തെ അവഹേളിക്കുന്നതാണെന്ന് വി എസ് സുനില്‍കുമാര്‍ എംഎല്‍എ. പ്രതിപക്ഷത്തിന്റെ അഭിപ്രായ സ്വാതന്ത്ര്യത്തിന്മേലുള്ള കടന്നുകയറ്റമാണ്‌ പി സി ജോര്‍ജിന്റെ പ്രസ്താവനയെന്നും അദ്ദേഹം കുറ്റപ്പെടുത്തി. ഇക്കാര്യത്തില്‍ സര്‍ക്കാരിന്റെ ഭാഗത്ത് നിന്ന് കൃത്യവിലോപം നടന്നെന്നും അദ്ദേഹം പറഞ്ഞു.
നെല്ലിയാമ്പതി പ്രശ്നം യുഡിഎഫിനുള്ളിലെ ആഭ്യന്തരകാര്യമല്ല. പ്രതിപക്ഷം ഇതില്‍ ഇടപെടേണ്ടെന്ന നിലപാടാണ്‌ മുഖ്യമന്ത്രി സഭയില്‍ സ്വീകരിച്ചത്. ഇത് ശരിയല്ലെന്നും സുനില്‍കുമാര്‍ പറഞ്ഞു.