നിലമ്പൂര്‍ രാധ വധക്കേസില്‍ പ്രതികള്‍ക്ക് ജീവപര്യന്തം. ആര്യാടന്‍ മുഹമ്മദിന്റെ മുന്‍ പി എ ബിജു, ഷംസുദ്ദീന്‍ എന്നിവര്‍ക്കാണ് മഞ്ചേരി ഒന്നാം അഡീഷണല്‍ സെഷന്‍സ് കോടതി ജീവപര്യന്തം വിധിച്ചത്. പ്രതികള്‍ക്കെതിരെ കൊലപാതകം, മാനഭംഗം, മോഷണം എന്നീ കുറ്റങ്ങള്‍ തെളിഞ്ഞതായി കോടതി കണ്ടെത്തിയിരുന്നു. ജഡ്ജി പി എസ് ശശികുമാറാണ് ശിക്ഷ വിധിച്ചത്.
നിലമ്പൂര്‍ ബ്ലോക്ക് കോണ്‍ഗ്രസ് ഓഫീസ് തൂപ്പുകാരിയായിരുന്ന രാധ കോണ്‍ഗ്രസ് ഓഫീസില്‍ വെച്ചായിരുന്നു കൊല്ലപ്പെട്ടത്. 2014 ഫെബ്രുവരി അഞ്ചുമുതല്‍ കാണാതായിരുന്ന രാധയുടെ മൃതദേഹം ഫെബ്രുവരി 10ന് കുളത്തില്‍നിന്ന് കണ്ടെത്തുകയായിരുന്നു. ശ്വാസംമുട്ടിച്ചു കൊലപ്പെടുത്തിയതാണെന്നു പോസ്റ്റ്‌മോര്‍ട്ടത്തില്‍ തെളിഞ്ഞിരുന്നു.
