നാലു വയസ്സുമാത്രം പ്രായമുള്ള കൊച്ചുമകളെ പീഡിപ്പിച്ച മുത്തച്ഛനെ പൊലീസ് അറസ്റ്റ് ചെയ്തു

കേവലം നാല് വയസു മാത്രം പ്രായമുള്ള സ്വന്തം കൊച്ചുമകളെ പീഡിപ്പിച്ച പരാതിയിൽ മുത്തച്ഛനെ പോലീസ് അറസ്റ് ചെയ്തു. ഞാൻടൂർക്കോണം സ്വദേശിയായ ചുമട്ടു തൊഴിലാളിയാണ് പ്രതിയെന്ന് പോത്തൻകോട് പോലീസ് അറിയിച്ചു. 

ഈ മാസം പന്ത്രണ്ടിനാണ് സംഭവം. പ്രതിയുടെ മകനും കുടുംബവും തൊട്ടടുത്ത് തന്നെ വേറെ വീട്ടിലാണ് താമസിക്കുന്നത്. രാവിലെ കുട്ടി കുടുംബവീട്ടിൽ പോയിരുന്നു. വൈകിട്ട് മുത്തശ്ശിയാണ് കുട്ടിയെ തിരികെ കൊണ്ടുവിട്ടതും. വന്നത് മുതൽ തന്നെ കുട്ടി ശാരീരികമായ അസ്വസ്ഥത പ്രകടിപ്പിച്ചിരുന്നു. 

തുടർന്ന് മാതാപിതാക്കൾ കുട്ടിയെ കന്യാകുളങ്ങരയിലെ ആശുപത്രിയിലും തുടർന്ന് എസ്. എ. ടി ആശുപത്രിയിലും പ്രവേശിപ്പിച്ചു. ഇവിടെ നടന്ന പരിശോധനയിലാണ് കുട്ടി പീഡനത്തിനിരയായെന്ന് കണ്ടെത്തിയത്. പോലീസിൽ നൽകിയ പരാതിയിൽ അന്വേഷണം നടത്തിയാണ് മുത്തച്ഛനെ അറസ്റ് ചെയ്തത്.