കൊച്ചിയില്‍ നടി ആക്രമിക്കപ്പെട്ട കേസില്‍ ദിലീപിന് മാത്രമല്ല ഒരു മാഡത്തിനും ബന്ധമുണ്ട് ഫെനി ബാലകൃഷ്ണന്‍ വെളിപ്പെടുത്തിയിരുന്നു. ത്രില്ലര്‍ സിനിമകളിലെ പുറത്ത് വരാതെ അവസാനം വരെ സസ്‌പെന്‍സ് നിലനിര്‍ത്തുന്ന വില്ലനെപ്പോലെ ഒരു കഥാപാത്രമായിരുന്നു ആ മാഡം. നടിയെ ആക്രമിച്ചതിന് പിന്നില്‍ മറഞ്ഞിരിക്കുന്ന വില്ലന്‍ കഥാപാത്രങ്ങള്‍ ഇനിയുമുണ്ടെന്ന് തന്നെയാണ് അന്വേഷണസംഘം സംശയിക്കുന്നത്.
ദിലീപിന്റെ ഭാര്യയും നടിയുമായ കാവ്യാ മാധവനോ, അമ്മ ശ്യാമളയോ ആവാം എന്ന പല പ്രതികരണങ്ങളും സോഷ്യല്‍ മീഡിയ വഴി വന്നിരുന്നു. നടിയെ ആക്രമിക്കാൻ ക്വട്ടേഷൻ കൊടുത്തത് ഒരു മാഡം ആണെന്ന് സംശയിക്കപ്പെട്ടിരുന്നു. അതിനിടെയാണ് ഈ അജ്ഞാതയായ മാഡം ആരെന്ന് പൊലീസ് വെളിപ്പെടുത്തിയതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തിരിക്കുന്നത്.
