നടിയെ ആക്രമിച്ച കേസില്‍ അറസ്റ്റിലായ നടന്‍ ദിലീപിനു മേല്‍ പിടിമുറുക്കിയിരിക്കുകയാണ് കേന്ദ്ര ഏജന്‍സികള്‍. ദിലീപിന് അളവില്‍ കവിഞ്ഞ സ്വത്തുക്കള്‍ ഉണ്ടെന്ന് നേരത്തേ വ്യക്തമായിരുന്നു. ദിലീപിന്റെ സ്വത്ത് വിവരങ്ങളുടെ കണക്കെടുക്കാന്‍ തയ്യാറായിരിക്കുകയാണ് അന്വേഷണ ഉദ്യോഗസ്ഥര്‍. ദിലീപ് നടത്തിയതെന്ന് കരുതപ്പെടുന്ന സാമ്പത്തിക ക്രമക്കേടുകള്‍ ഓരോന്നായി ഏറ്റെടുത്ത് പരിശോധിക്കാനൊരുങ്ങുകയാണ് ഏജന്‍സികള്‍.
പരാജയപ്പെടുമെന്ന് ഉറപ്പുള്ള സിനിമകളുടെ നിര്‍മ്മാണം തുടങ്ങിയ പരിപാടികള്‍ പണം വെളുപ്പിക്കുന്നതിനും ഹവാല ഇടപാടുകള്‍ നടത്തുന്നതിനു വേണ്ടിയാണെന്നും ഏജന്‍സികള്‍ സംശയം പ്രകടിപ്പിച്ചു കഴിഞ്ഞിട്ടുണ്ട്. അതേസമയം, ദിലീപ് പുഷ്പം പോലെ ജാമ്യം നേടി പോകുമെന്ന റിപ്പോര്‍ട്ടുകള്‍ പൊലീസുകാരെ ഭയത്തിലാക്കിയിട്ടുണ്ട്.
