കേസില്‍ ദിലീപും കുടുംബവുമായി അടുത്ത ബന്ധമുള്ള മലയാളത്തിലെ യുവനടിയെ ഉടന്‍ ചോദ്യം ചെയ്യുമെന്ന വാര്‍ത്ത നേരത്തെ വന്നിരുന്നു. കൊച്ചിയില്‍ യുവനടി ആക്രമിക്കപ്പെട്ട കേസില്‍ വന്‍ ട്വിസ്റ്റുകളാണ് നടന്നു കൊണ്ടിരിക്കുന്നത്. നടിയെ ആക്രമിച്ച കേസില്‍ ആരോപണ വിധേയന്‍ ആയിരുന്നുവെങ്കിലും ദിലീപിന്റെ അറസ്റ്റ് സിനിമാ ലോകത്തെ മൊത്തം ഞെട്ടിച്ച്ചിരുന്നു.
സുഹൃത്തായ യുവനടിയേയും കാവ്യാ മാധവനേയും അമ്മ ശ്യാമളയേയും കൂടാതെ ഒരു പ്രമുഖ ഗായികയും സംശയിക്കപ്പെടുന്നതായി മംഗളം റിപ്പോര്‍ട്ട് ചെയ്തിട്ടുണ്ട്. നടിയെ ആക്രമിക്കാന്‍ പള്‍സര്‍ സുനിക്ക് ക്വട്ടേഷന്‍ കൊടുത്തത് ദിലീപ് ആണെന്ന് തെളിയിക്കാനുള്ള ശാസ്ത്രീയ തെളിവുകള്‍ പൊലീസിന്റെ പക്കലുണ്ട്. എന്നാല്‍ ദിലീപ് മാത്രമല്ല ഇനിയും പലരും കുടുങ്ങുമെന്നും സൂചനയുണ്ട്.
