പെരുമ്പാവൂരില്‍ ക്രൂരമായി കൊല്ലപ്പെട്ട നിയമ വിദ്യാര്‍ത്ഥിനി ജിഷയുടെ കുടുംബത്തിന് കൈത്താങ്ങായി നടന്‍ ജയറാം. തന്റെ ഏറ്റവും പുതിയ ചിത്രമായ ‘ആടുപുലിയാട്ടം’ത്തിന്റെ ലാഭത്തിന്റെ ഒരുവിഹിതം ജിഷയുടെ അമ്മയ്ക്ക് നല്‍കുമെന്ന് ജയറാം അറിയിച്ചു. അവരുടെ വീടുപണിക്കായി സ്വരൂപിക്കുന്ന ഫണ്ടിലേക്കാണ് ഈ തുക നല്‍കുകയെന്നും അദ്ദേഹം വ്യക്തമാക്കി.
ആലുവ ജനസേവ ശിശുഭവനിലെ ഇരുനൂറോളം കുട്ടികള്‍ക്കൊപ്പമാണ് അണിയറപ്രവര്‍ത്തകരടക്കം ചിത്രത്തിന്റെ വിജയം ആഘോഷിച്ചത്. സിനിമയുടെ സംവിധായകന്‍ കണ്ണന്‍ താമരക്കുളം, നായിക ഷീലു എബ്രഹാം, ബേബി അക്ഷര, രമേഷ് പിഷാരടി, നിര്‍മാതാക്കളായ ഹസീബ് ഹനീഫ്, നൗഷാദ് ആലത്തൂര്‍ എന്നിവരും പരിപാടിയില്‍ പങ്കെടുത്തു.
