വ്യാഴാഴ്ചയാണ് സ്വാമിയെ പൊലീസ് കസ്റ്റഡിയില്‍ വിട്ടിത്. ഇതിന് പിന്നാലെയാണ് സ്വാമിയെ ചോദ്യം ചെയ്യാന്‍ ആരംഭിച്ചത്. പേട്ട സര്‍ക്കിള്‍ ഇന്‍സ്പെക്ടര്‍ ഓഫീസില്‍ ശംഖുമുഖം അസിസ്റ്റന്റ് കമ്മീഷ്ണർ അജിത് കുമാറിന്റെ നേതൃത്വത്തിലാണ് ചോദ്യം ചെയ്യൽ നടക്കുന്നത്. പെണ്‍കുട്ടിയും അവരുടെ ആളുകളും കൂടി തന്നെ കുടുക്കുകയായിരുന്നുവെന്ന് സ്വാമി പൊലീസിനോട് പറഞ്ഞു.
ചോദ്യം ചെയ്യലിനോട് സഹരിക്കാതിരിക്കാന്‍ സ്വാമി ശാരീരിക അസ്വസ്ഥത കാണിച്ചിരുന്നു. ജനനേന്ദ്രിയം മുറിഞ്ഞ ഭാഗത്ത് വേദനയുള്ളതായി സ്വാമി പറഞ്ഞു. എന്നാല്‍ പൊലീസ് കസ്റ്റഡിയിലുള്ള സ്വാമിയുടെ ആരോഗ്യനില തൃപ്തികരമാണെന്ന് മെഡിക്കല്‍ കോളേജില്‍ നിന്നുള്ള ഡോക്ടര്‍മാര്‍ പറഞ്ഞു. ഇനി സ്വാമിയെ പെണ്‍കുട്ടിയുടെ വീട്ടില്‍വച്ച് തെളിവടുപ്പ് നടത്തുമെന്നും സൂചനയുണ്ട്.
