കൊച്ചി മെട്രോയുടെ ഉദ്ഘാടന ചടങ്ങളിൽ ജനങ്ങൾ നൽകിയ ആദരവിൽ തനിക്ക് അതിയായ സന്തോഷമുണ്ടെന്ന് മെട്രോമാൻ ഇ ശ്രീധരൻ. മെട്രോ പദ്ധതി ഇനിയും നന്നായി തന്നെ മുന്നോട്ട് കൊണ്ടുപോകണം. കൊച്ചിക്കാരനായതുകൊണ്ടാകാം തനിക്ക് വലിയ കൈയടി കിട്ടിയെതെന്നും ശ്രീധരൻ കൂട്ടിചേർത്തു.
മെട്രോ ഉദ്ഘാടന ചടങ്ങിനിടെ ശ്രീധരന് നിലക്കാത്ത കരഘോഷമാണ് ലഭിച്ചിരുന്നത്. ഉദ്ഘാടന സമ്മേളനത്തിന് സ്വാഗതം ആശംസിക്കുന്നതിനിടെ കെഎംആർഎൽ എംഡി ഏലിയാസ് ജോർജ് ശ്രീധരന്റെ പേര് പരാമർശിച്ചപ്പോഴാണ് സദസ് മിനിറ്റുകൾ നീണ്ട കരഘോഷം മുഴക്കിയത്. പിന്നീട് കേന്ദ്രമന്ത്രി വെങ്കയ്യ നായിഡുവിന്റെ പ്രസംഗത്തിനിടെയും മെട്രോ മാന് സമാനമായ രീതിയിൽ വൻകൈയടി ലഭിച്ചിരുന്നു.