ഗിന്നസ് പക്രുവിന് നേരെ ആക്രമണം, മാതാപിതാക്കളും ആശുപത്രിയില്‍
തിങ്കള്‍, 6 ഒക്‌ടോബര്‍ 2014 (19:50 IST)
പ്രശസ്ത ചലച്ചിത്രതാരം ഗിന്നസ് പക്രു(അജയന്‍)വിന് നേരെ ആക്രമണം. വാടക വീട് ഒഴിപ്പിക്കുന്നതുമായി ബന്ധപ്പെട്ട് അരങ്ങേറിയ സംഘര്‍ഷത്തിലാണ് ഗിന്നസ് പക്രുവിന് പരുക്കേറ്റത്.
പക്രുവിന്‍റെ മാതാപിതാക്കള്‍ക്കും പരുക്കേറ്റിട്ടുണ്ട്. പക്രുവിനെ ആക്രമിക്കുന്നത് കണ്ട് ഇടപെട്ട മാതാപിതാക്കള്‍ക്കും സംഘര്‍ഷത്തില്‍ പരുക്കേല്‍ക്കുകയായിരുന്നു.
പക്രു വാടകയ്ക്ക് നല്‍കിയ വീട്ടിലെ ആളുകളാണ് ആക്രമിച്ചതെന്നാണ് വിവരം. വാടക കാലാവധി കഴിഞ്ഞിട്ടും വീട് ഒഴിഞ്ഞുകൊടുക്കാത്തത് ചോദിക്കാന്‍ ചെന്നപ്പോഴാണ് പക്രുവിന് നേര്‍ക്ക് ആക്രമണമുണ്ടായത്.
പക്രുവിന്‍റെ പരുക്കുകള്‍ സാരമുള്ളതല്ല എന്നാണ് ലഭിക്കുന്ന വിവരം.
