കൊച്ചിയിൽ യുവനടി ആക്രമിക്കപ്പെട്ട സംഭവത്തിലെ ഗൂഡാലോചന പുറത്തു കൊണ്ടുവരുന്നതിനായി പൊലീസ് കൂടുതൽ പേരെ ചോദ്യം ചെയ്യുന്നു. പൊലീസ് സംശയിക്കുന്നവരുടെ പട്ടിക നീളുമെന്നാണ് കണക്കുകൾ. സംഭവവുമായി ബന്ധപ്പെട്ട് ഇന്നലെ നിർമാതാവ് ആന്റോ ജോസഫിനെ ചോദ്യം ചെയ്തിരന്നു. പ്രത്യേക അന്വേഷണ സംഘം ആലുവ പൊലീസ് ക്ലബിലേക്ക് വിളിച്ചു വരുത്തിയായിരുന്നു ചോദ്യം ചെയ്തത്.
ആന്റോ ജോസഫിനോടൊപ്പം, മിമിക്രി താരം കെഎസ് പ്രസാദിന്റേയും നാദിർഷയുടെ രണ്ട് സുഹൃത്തുക്കളെയും കഴിഞ്ഞ ദിവസം പൊലീസ് ചോദ്യം ചെയ്തിരുന്നു. സംഭവത്തിൽ ആന്റോ ജോസഫിന് പങ്കുണ്ടെന്ന രീതിയിൽ ഉള്ള ഒരു തെളിവുകളും പൊലീസിനു ലഭിച്ചിട്ടില്ല. ചോദ്യം ചെയ്യലിൽ നിർമാതാവ് സഹകരിക്കുകയും തനിക്കറിയാവുന്ന കാര്യങ്ങൾ തുറന്നു പറയുകയും ചെയ്തുവെന്നാണ് റിപ്പോർട്ടുകൾ.
