കണ്ണൂരില്‍ സുന്നി വിഭാഗങ്ങള്‍ തമ്മില്‍ സംഘര്‍ഷം; പള്ളിയും മദ്രസയും തകര്‍ത്തു
വെള്ളി, 16 ഓഗസ്റ്റ് 2013 (15:31 IST)
PRO
PRO
കണ്ണൂര്‍ ഓണപ്പറമ്പില്‍ സുന്നി വിഭാഗങ്ങള്‍ തമ്മില്‍ സംഘര്‍ഷം. സംഘര്‍ത്തെത്തുടര്‍ന്ന് എപി വിഭാഗത്തിന്റെ നിയന്ത്രണത്തിലുള്ള പള്ളിയും മദ്രസയും തല്ലിത്തകര്‍ത്തു. മുപ്പതോളം പേരടങ്ങുന്ന അജ്ഞാത സംഘമാണ് അക്രമം നടത്തിയത്. മാരകായുധങ്ങളുമായെത്തിയ സംഘം പള്ളിയുടെയും മദ്രസയുടെയും ജനല്‍ച്ചില്ലുകള്‍ തല്ലിത്തകര്‍ക്കുകയും എപി വിഭാഗം പ്രവര്‍ത്തകരെ മര്‍ദ്ദിക്കുകയും ചെയ്തു.
പരുക്കേറ്റ ഏഴുപേരെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഗുരുതരമായി പരുക്കേറ്റ ഒരാളെ മംഗലാപുരത്തെ സ്വകാര്യ ആശുപത്രിയില്‍ ചികിത്സയിലാണ്.
സംഭവത്തിനു പിന്നില്‍ ഇകെ വിഭാഗമാണെന്ന നിഗമനത്തിലാണ് പൊലീസ്. സംഘര്‍ഷസാധ്യത കണക്കിലെടുത്ത് സ്ഥലത്ത് വന്‍ പൊലീസ് സന്നാഹത്തെ വിന്യസിപ്പിച്ചു.
