എല്‍ഡിഎഫ് ഒന്ന് പറഞ്ഞാല്‍ മതി, മത്സരിക്കാന്‍ പിള്ള റെഡി, എന്നാല്‍ പിള്ള വന്നാലും താന്‍ ജയിക്കുമെന്ന് ഷിബു!
ഇടതുമുന്നണിയുടെ പടിവാതില്‍ക്കലാണ് ആര്‍ ബാലകൃഷ്ണപിള്ള. ഇനി ആരെങ്കിലും കൈയിലൊന്ന് പിടിച്ചാല്‍ നേരെ ഉള്ളിലേക്കങ്ങ് പോരും. എന്നാല്‍ അതിന് മുമ്പ് ചില കൂടിയാലോചനകളൊക്കെ എല്‍ ഡി എഫില്‍ നടക്കേണ്ടതുണ്ട്. തെരഞ്ഞെടുപ്പിന് മുമ്പ് ബാലകൃഷ്ണപിള്ളയുടെ പാര്‍ട്ടിയെ ഇടതുമുന്നണിയിലെടുക്കുന്ന കാര്യത്തില്‍ വി എസും പിണറായിയും സമവായത്തിലെത്താനുള്ള താമസമുണ്ട്.
എന്നാല്‍, ഇടതുമുന്നണി പറഞ്ഞാല്‍ എവിടെയും മത്സരിക്കുമെന്നാണ് ബാലകൃഷ്ണപിള്ള ഇപ്പോള്‍ വ്യക്തമാക്കിയിരിക്കുന്നത്. കൊട്ടാരക്കരയോ ചവറയോ കൊല്ലമോ ഇരവിപുരമോ എവിടെ വേണമെങ്കിലും താന്‍ മത്സരിക്കാന്‍ റെഡിയാണെന്നാണ് പിള്ള പറയുന്നത്. പക്ഷേ എല്‍ ഡി എഫ് പറയണം.
