എം ജി സര്‍വകലാശാല: എസ്എഫ്‌ഐ പ്രവര്‍ത്തകര്‍ നടത്തിയ മാര്‍ച്ചില്‍ സംഘര്‍ഷം
ബുധന്‍, 4 ഡിസം‌ബര്‍ 2013 (14:43 IST)
PRO
എം ജി സര്‍വകലാശാലയിലേക്ക് എസ്എഫ്‌ഐ പ്രവര്‍ത്തകര്‍ നടത്തിയ മാര്‍ച്ചില്‍ സംഘര്‍ഷം. വിദ്യാര്‍ത്ഥികള്‍ കല്ലെറിഞ്ഞതിനെ തുടര്‍ന്ന് പൊലീസ് ലാത്തിചാര്‍ജ് നടത്തി. വൈസ് ചാന്‍സിലറുടെ കാറിലും കല്ലുകള്‍ പതിച്ചു.
ക്യാമ്പസില്‍ ഒരു മണിക്കൂറിലേറെ സംഘര്‍ഷാവസ്ഥ നിലനിന്നു. ഡിഗ്രി, പിജി കോഴ്‌സുകളില്‍ ഫീസ് വര്‍ധിപ്പിച്ചത് പിന്‍വലിക്കുക, ഗവേഷക വിദ്യാര്‍ത്ഥികളുടെ മുടങ്ങിക്കിടക്കുന്ന ഫെലോഷിപ്പ് വിതരണം ചെയ്യുക തുടങ്ങിയ വിവിധ ആവശ്യങ്ങള്‍ ഉന്നയിച്ചാണ് മാര്‍ച്ച് നടത്തിയത്.
ആറ് പൊലീസ് ജീപ്പുകളുടെ ചില്ല് തകര്‍ന്നു. പത്തോളം എസ്എഫ്‌ഐ പ്രവര്‍ത്തകരെ പോലീസ് അറസ്റ്റ് ചെയ്തു. അറസ്റ്റ് ചെയ്തതിനെതിരെയും പ്രതിഷേധം നടന്നു. പൊലീസ് സ്ഥലത്ത് ക്യാമ്പ് ചെയ്യുകയാണ്.
