അക്രമങ്ങള്‍ക്കെതിരെ ഫലപ്രദമായ നടപടിയെടുക്കുന്നതിനെക്കുറിച്ച് ആലോചിക്കാന്‍ ചേര്‍ന്ന ഉന്നതാധികാരയോഗത്തിന് ശേഷം സംസാരിക്കുകയായിരുന്നു ചെന്നിത്തല. യോഗത്തില്‍ ഹോം സെക്രട്ടറി, ഇന്‍റലിജന്‍സ് എ ഡി ജി പി, അഡ്മിനിസ്ട്രേഷന്‍ എ ഡി ജി പി ഉള്‍പ്പടെയുള്ളവര്‍ പങ്കെടുത്തു.
ഇത്തരം അക്രമസംഭവങ്ങള്‍ തങ്ങള്‍ക്ക് ഭൂഷണമാണോ എന്ന് സി പി എമ്മും ബി ജെ പിയും ആലോചിക്കണം. ഒരുകാരണവശാലും അക്രമങ്ങള്‍ തുടരാന്‍ അനുവദിക്കില്ല. സമാധാനപരമായി ഓണാഘോഷം നടക്കുന്നതിനിടെ ഇങ്ങനെ അക്രമങ്ങള്‍ അരങ്ങേറുന്നത് തികച്ചും ആസൂത്രിതമാണ്. ഇതിനെതിരെ കര്‍ശന നടപടിയെടുക്കാന്‍ പൊലീസിന് നിര്‍ദ്ദേശം നല്‍കിയിട്ടുണ്ട് - ആഭ്യന്തരമന്ത്രി പറഞ്ഞു.
