കഴിഞ്ഞ രണ്ട് ദിവസങ്ങളായി സോഷ്യല്‍ മീഡിയ ആഘോഷിച്ച ഒരു കല്യാണ വാര്‍ത്തയുണ്ട്. ഗുരുവായൂര്‍ അമ്പലത്തിന് മുന്നില്‍ വെച്ച് താലികെട്ട് കഴിഞ്ഞ് വരനെ ഉപേക്ഷിച്ച് വധു കാമുകനൊപ്പം പോയെന്ന വാര്‍ത്ത. സംഭവം പുറത്തറിഞ്ഞതു മുതല്‍ പെണ്‍കുട്ടിക്കെതിരായ രീതിയില്‍ വാര്‍ത്തകളും വന്നു. ഈ സംഭവത്തില്‍ പെണ്‍കുട്ടിയെ വേട്ടയാടുന്നത് ഇനിയെങ്കിലും അവസാനിപ്പിക്കണമെന്ന് പ്രമുഖ മാധ്യമ പ്രവര്‍ത്തകയായ ഷാഹിന.
പെണ്‍കുട്ടി കാമുകന്റെ കൂടെപ്പോയി സുഖിക്കുകയല്ല അവള്‍ വീട്ടില്‍ തന്നെയുണ്ട്. പ്രണയമുണ്ടായിരുന്ന കാര്യം വരനോട് ആദ്യം തന്നെ പറയുകയും ചെയ്തിരുന്നു. 19 വയസ് മാത്രമാണ് പെണ്‍കുട്ടിയുടെ പ്രായം, കാമുകനും ഈ പ്രായമേയുള്ളൂ. ഈ കാമുകന്‍ ഇപ്പോള്‍ എവിടെയാണെന്ന് ആര്‍ക്കുമറിയില്ലെന്നും. ഇവരില്‍ ആരെങ്കിലും ആത്മഹത്യ ചെയ്താല്‍ എല്ലാവര്‍ക്കും സന്തോഷമാകുമോയെന്നും ഷാഹിന പോസ്റ്റിലൂടെ ചോദിക്കുന്നു.
