നേപ്പാളില്‍ ഉണ്ടായ ഭൂകമ്പത്തില്‍ പരുക്കേറ്റ് ചികിത്സയില്‍ കഴിയുന്ന മലയാളി ഡോക്‌ടര്‍ അബിന്‍ സൂരിക്ക് ഇന്ന് വീണ്ടും ഡയാലിസിസ്. അബിന്‍ സൂരിയെ ഇന്നലെ ഡയാലിസിസിന് വിധേയനാക്കിയിരുന്നു. അതേസമയം, നേപ്പാളില്‍ കാണാതായ ഡോക്‌ടര്‍ ഇര്‍ഷാദിന്റെ സഹോദരന്‍ ഇന്ന് നേപ്പാളിലേക്ക് തിരിക്കും.
എന്നാല്‍, നേപ്പാളില്‍ കുടുങ്ങിയ 250 ഓളം മലയാളികളെക്കുറിച്ച് യാതൊരു വിവരവും ഇല്ലെന്നാണ് റിപ്പോര്‍ട്ടുകള്‍. ഡോ അബിന്‍ സൂരിക്കൊപ്പം നേപ്പാളില്‍ എത്തിയ ഡോ ദീപക് തോമസ്, ഡോ ഇര്‍ഷാദ് എന്നിവര്‍ റെഡ് ക്രോസ് ക്യാംപില്‍ ഉണ്ടെന്ന് റിപ്പോര്‍ട്ടുകള്‍ ഉണ്ടായിരുന്നെങ്കിലും ഇതുവരെ ഇക്കാര്യം സ്ഥിരീകരിക്കാന്‍ കഴിഞ്ഞിട്ടില്ല.
