അടുത്ത ആറുമാസത്തിനുള്ളില്‍ ഇന്ത്യയിലെ മൊബൈല്‍ ഇന്റര്‍നെറ്റ് ഉപയോക്താക്കളുടെ എണ്ണം വര്‍ദ്ധിക്കുമെന്ന് റിപ്പോര്‍ട്ടുകള്‍ .ഇന്റര്‍നെറ്റ് ആന്‍ഡ് മൊബൈല്‍ അസോസിയേഷന്‍ ഓഫ് ഇന്ത്യയുടെയും ഐ എം ആര്‍ ബിയുടെയും റിപ്പോര്‍ട്ടുകള്‍ ആണ് ഇക്കാര്യം വ്യക്തമാക്കുന്നത്. ആറുമാസത്തിനുള്ളില്‍ നാലുകോടി ഉപയോക്താക്കള്‍ കൂടി മൊബൈല്‍ ഇന്റര്‍നെറ്റ് സേവനത്തിന്റെ ഭാഗമാകുമെന്നാണ് കണക്കുകള്‍ .
നഗരമേഖലയിലെ 78 % ഇന്റര്‍നെറ്റ് ഉപയോക്താക്കളും ഗ്രാമീണമേഖലയിലെ 66% ഇന്റര്‍നെറ്റ് ഉപയോക്താക്കളും മൊബൈലിലാണ് ഇന്റര്‍നെറ്റ് ഉപയോഗിക്കുന്നത്. 2012ല്‍ 8, 250 ആയിരുന്ന ഹാന്ഡ്സെറ്റുകള്ക്ക് 2013 ആകുമ്പോഴേക്കും 7000 രൂപയും 2014ല്‍ എത്തുമ്പോഴേക്കും 6, 202 രൂപയും ആയിരിക്കുകയാണ്. ഇന്റര്‍നെറ്റ് ആക്സസ് ഉള്ള ഹാന്ഡ്സെറ്റുകള്ക്ക് ഉണ്ടായ വിലക്കുറവും സൌകര്യപ്രദമായ മൊബൈല്‍ ഇന്റര്‍നെറ്റ് പ്ലാനുകളും ആണ് ഉപയോക്താക്കള്‍ക്ക് മൊബൈല്‍ ഇന്റര്‍നെറ്റ് ഇത്രയധികം സ്വീകാര്യമായത്.
