റോയല്‍സ് ഇന്നിങ്സിലെ 19-ാം ഓവറിലായിരുന്നു നാടകീയ രംഗങ്ങള്‍. വലിയ ഷോട്ടുകള്‍ കളിച്ച് അതിവേഗം റണ്‍സെടുക്കാന്‍ സാധിക്കാതെ വന്നതോടെ അശ്വിന്‍ റിട്ടയേര്‍ഡ് ഹര്‍ട്ടായി റിയാന്‍ പരാഗിന് വേണ്ടി അവസരമുണ്ടാക്കുകയായിരുന്നു. അപ്പോള്‍ 10 ബോളുകളായിരുന്നു റോയല്‍സ് ഇന്നിങ്സില്‍ ബാക്കിയുണ്ടായിരുന്നത്. അശ്വിനു പകരം ക്രീസിലെത്തിയ പരാഗ് നാലു ബോളില്‍ ഒരു സിക്സറക്കം എട്ടു റണ്‍സെടുത്ത് പുറത്തായി. ടീം നേരത്തെ തീരുമാനിച്ച പ്രകാരമാണ് അശ്വിന്‍ റിട്ടയേര്‍ഡ് ഹര്‍ട്ടായതെന്ന് രാജസ്ഥാന്‍ റോയല്‍സ് നായകന്‍ സഞ്ജു സാംസണ്‍ പറഞ്ഞു.
