മത്സരത്തിനിടെ അവസാന ഓവറുകളിൽ ലഖ്നൗ ബാറ്റിനിങ്ങിൽ ഉണ്ടായിരുന്ന നവീനോടും അമിത് മിശ്രയോടും കോലി വാക്ക് തർക്കത്തിൽ ഏർപ്പെട്ടിരുന്നു. കോലിക്ക് മറുപടിയുമായി അമിത് മിശ്ര ഇടപ്പെട്ടപ്പോൾ അമ്പയർ എത്തിയാണ് രംഗം ശാന്തമാക്കിയത്. പിന്നീട് ഹസ്തദാനത്തിനിടെ നവീനും കോലിയും പിന്നെയും ഉടക്കി. തുടർന്ന് ഇരുടീമുകളിലെയും താരങ്ങളെത്തിയാണ് കോലിയേയും നവീനെയും പിന്തിരിപ്പിച്ചത്. ഇതിന് ശേഷം ലഖ്നൗ താരം കെയ്ൽ മയേഴ്സുമായി കോലി സംസാരിക്കുന്നതിനിടെ ലഖ്നൗ മെൻ്റർ ഗൗതം ഗംഭീർ കോലിക്കടുത്തെത്തി മയേഴ്സിനെ കൊണ്ടുപോയി. ഇതിന് ശേഷമാണ് കോലിയും ഗംഭീറും തമ്മിൽ വാക്‌തർക്കത്തിൽ ഏർപ്പെട്ടത്.
