ഹസരംഗയുടെ ലേലം നടക്കവെ ഒരു ശബ്ദം, പ്രീച്ചിങ് ടേബിള്‍ അടക്കം ലേലക്കാരന്‍ മുന്നിലേക്ക് വീണു; ഹ്യൂഗ് എഡ്മീഡ്‌സ് ഏതാനും മിനിറ്റുകള്‍ ബോധമില്ലാതെ കിടന്നു, താരലേലത്തിനിടെ സംഭവിച്ചത് (വീഡിയോ)
ഐപിഎല്‍ മെഗാ താരലേലത്തിനിടെ നാടകീയ സംഭവങ്ങളാണ് അരങ്ങേറിയത്. ലേലക്കാരന്‍ ഹ്യൂഗ് എഡ്മീഡ്‌സ് ബോധരഹിതനായി ലേല ഹാളില്‍ വീഴുകയായിരുന്നു. ശ്രീലങ്കന്‍ ഓള്‍റൗണ്ടര്‍ വനിന്ദു ഹസരംഗയ്ക്കായുള്ള ലേലം വിളിയാണ് അപ്പോള്‍ നടന്നിരുന്നത്. 1075 കോടി രൂപയ്ക്ക് റോയല്‍ ചലഞ്ചേഴ്‌സ് ബാംഗ്ലൂരാണ് അവസാനമായി ലേലം വിളിച്ചത്. ആ നിമിഷം വരെ ഹ്യൂഗ് എഡ്മീഡ്‌സിന് യാതൊരു ആരോഗ്യപ്രശ്‌നവും ഇല്ലായിരുന്നു. വളരെ ഉയര്‍ന്ന സ്വരത്തില്‍ ഊര്‍ജ്ജസ്വലനായി തന്നെയാണ് എഡ്മീഡ്‌സ് ലേലം നയിച്ചിരുന്നത്.
