Rovman Powell,bhuvaneswar Kumar
സണ്‍റൈസേഴ്‌സ് ഹൈദരാബാദിനെതിരായ ത്രില്ലര്‍ പോരാട്ടത്തില്‍ അവസാന പന്തിലാണ് രാജസ്ഥാന് റോയല്‍സ് വിജയം സ്വന്തമാക്കിയത്. അവസാന പന്തില്‍ വിജയിക്കാന്‍ രണ്ട് റണ്‍സാണ് രാജസ്ഥാന് റോയല്‍സിന് വേണ്ടിയിരുന്നത്. വമ്പനടിക്കാരനായ റോവ്മന്‍ പവല്‍ ക്രീസിലുണ്ടായിരുന്നെങ്കിലും ഭുവനേശ്വര്‍ കുമാര്‍ എറിഞ്ഞ അവസാന പന്ത് പവലിന്റെ പാഡില്‍ തട്ടുകയായിരുന്നു. ഒരു റണ്‍സ് ഓടിയെടുത്തെങ്കിലും ഡെലിവറിയില്‍ പവല്‍ എല്‍ബിഡബ്യു ആയി പുറത്തായെന്ന് അമ്പയര്‍ വിധിക്കുകയായിരുന്നു. ഇതോടെ ഒരു റണ്‍സിന്റെ തോല്‍വിയാണ് രാജസ്ഥാന് ഏറ്റുവാങ്ങിയത്.
