റഷ്യയുടെ ശ്രമം യൂറോപ്പിനെ തകര്‍ക്കാനെന്ന് യുക്രൈന്‍ പ്രസിഡന്റ് വ്‌ലാദിമിര്‍ സെലന്‍സ്‌കി. ശനിയാഴ്ച രാജ്യത്തെ അഭിസംബോധന ചെയ്യവെയാണ് അദ്ദേഹം ഇക്കാര്യം പറഞ്ഞത്. മിസൈയിലുകള്‍ കൊണ്ട് ആക്രമിക്കാന്‍ കഴിയാത്ത ഇടങ്ങളില്‍ രാഷ്ട്രീയ കലാപവും ദാരിദ്ര്യവും സൃഷ്ടിക്കാനാണ് റഷ്യ ശ്രമിക്കുന്നതെന്ന് അദ്ദേഹം പറഞ്ഞു. യൂറോപ്പിലേക്കുള്ള പ്രധാന പ്രകൃതിവാതക പൈപ്പ് ലൈന്‍ ഉടന്‍ തുറക്കില്ലെന്ന് പുട്ടിന്റെ പ്രസ്താവനക്ക് ശേഷമാണ് സെലന്‍സ്‌കിയുടെ പ്രസ്താവന വന്നത്.
