ജനാധിപത്യമായി തെരഞ്ഞെടുക്കപ്പെട്ട തുർക്കി സർക്കാരിന് എല്ലാവിധ പിന്തുണയും നൽകുമെന്ന് അമേരിക്കൻ പ്രസിഡന്റ് ബറാക് ഒബാമ. തുർക്കിയിൽ ഭരണം പിടിച്ചെടുത്തതായി സൈന്യം സ്ഥിരീകരിച്ചതിന്റെ പശ്ചാത്തലത്തിൽ പ്രതികരിക്കുകയായിരുന്നു ഒബാമ. ദേശീയ സുരക്ഷാ ഉപദേഷ്ടാക്കന്മാരുമായി തുർക്കി വിഷയത്തിൽ ഒബാമ ചർച്ച നടത്തി. രക്തച്ചൊരിച്ചിൽ ഒഴിവാക്കാൻ എല്ലാവരും ശ്രമിക്കണമെന്നും ഒബാമ ആവശ്യപ്പെട്ടു.
