ലോകത്തില്‍ ഏറ്റവും ചൂടുകൂടുതല്‍ അനുഭവപ്പെട്ട മാസമേതായിരുന്നുബ് എന്നറിയാമോ? അറിയില്ലെങ്കില്‍ അറിഞ്ഞോളു, അത് കഴിഞ്ഞ മാസമായിരുന്നു! സത്യമാണ് ജൂണ്‍ മാസമാണ് മനുഷ്യന്‍ അന്തരീക്ഷതാപനില രേഖപ്പെടുത്താന്‍ തുടങ്ങിയതിനു ശേഷം ഏറ്റവും കൂടുതല്‍ ചൂട് അനുഭവപ്പെട്ട മാസം.
16.2 ഡിഗ്രി സെല്‍ഷ്യസ് ആണ് 2014 ജൂണില്‍ ആഗോളതലത്തില്‍ രേഖപ്പെടുത്തിയ ശരാശരി താപനില. ഇതിലെന്തിരിക്കുന്നു അതിലും കൂടുതല്‍ അനുഭവിച്ചവരുള്ളപ്പോള്‍ ഇതൊക്കെ പറയാനുള്ളതാണോ എന്ന് ചോദിക്കുന്നതിനു മുമ്പ് ഇതു കൂടി അറിഞ്ഞിരിക്കുക, കഴിഞ്ഞ നൂറ്റാണ്ടിലെ ശരാശരി താപനില 15.5 ഡിഗ്രി സെല്‍ഷ്യസ് മാത്രമായിരുന്നു.
