നടനായ ചോ ജയ് ഹ്യൂന് എതിരെയും നടി ആരോപണം ഉയര്‍ത്തിയിട്ടുണ്ട്. ഇതാദ്യമായല്ല, സംവിധായകനെതിരെ ലൈംഗികാരോപണം ഉണ്ടാകുന്നത്. നേരത്തേയും ഇത്തരത്തില്‍ കിം കി ഡുക്കിനെതിരെ ലൈംഗീകാരോപണവുമായി നടിമാര്‍ രംഗത്തെത്തിയിരുന്നു.
കിം കി ഡുക്കുമായി ലൈംഗീക ബന്ധത്തില്‍ ഏര്‍പ്പെടാതിരുന്നതിനാല്‍ അദേഹത്തിന്റെ സിനിമയിലെ കഥാപാത്രത്തില്‍ നിന്ന് തന്നെ തഴഞ്ഞതായും, മോയ്ബിയസ് എന്ന സിനിമയുടെ ചിത്രീകരണത്തിനിടെ കിം കി ഡുക്ക് അവരെ തല്ലിയെന്നും പ്രമുഖ നടി ആരോപിച്ചിരുന്നു. സംഭവത്തില്‍ ഇയാള്‍ക്കെതിരെ നടി കഴിഞ്ഞ വര്‍ഷം നിയമനടപടി സ്വീകരിച്ചിരുന്നു.
