ജോലിയില്‍ നിന്ന് തൃപ്‌തി ലഭിക്കുന്നില്ലെന്ന കാരണത്താല്‍ അഭിഭാഷക വേശ്യാവൃത്തി സ്വീകരിച്ചു. ക്ലൗഡിയ ഡി മാര്‍ചി എന്ന ബ്രസീലിയന്‍ യുവതിയാണ് മണിക്കൂറിന് 150 പൗണ്ട് നിരക്കില്‍ ശരീരവില്‍പ്പന നടത്തുന്നത്. രാജ്യത്തിന്റെ തലസ്ഥാനമായ ബ്രസീലിയ കേന്ദ്രീകരിച്ചാണ് ഇവര്‍ പുതിയ തൊഴില്‍ നടത്തുന്നത്.
ഭരണഘടനാ നിയമങ്ങളില്‍ വിദഗ്ധയായ ക്ലൗഡിയയെ അഭിഭാഷക ജോലിയില്‍ നിന്ന് പിന്മാറാന്‍ മറ്റൊരു കാരണം നിയമരംഗത്തെ പുരുഷ മേധാവിത്തമാണ്. വേശ്യാവൃത്തിയിലൂടെ പുരുഷന്മാരെ കൈകാര്യം ചെയ്യാന്‍ സാധിക്കുമെന്നും ഇതിലൂടെ പുരുഷ മേധാവിത്വത്തില്‍ നിന്ന് രക്ഷപ്പെടാന്‍ കഴിഞ്ഞെന്നും ഇവര്‍ പറയുന്നു.
വേശ്യാവൃത്തി തൊഴിലായി തെരഞ്ഞെടുക്കാനുള്ള തീരുമാനം ശരിയാണ്, ഇതില്‍ ആശങ്കയൊന്നുമില്ല. സ്വന്തം പേരും ചിത്രവും വെളിപ്പെടുത്തിയാണ് താന്‍ ഈ തൊഴില്‍ ചെയ്യുന്നത്. തന്റെ ബ്ലോഗിലുടെ എല്ലാം വ്യക്തമാക്കുന്നുണ്ട്. പുരുഷന്‍മാര്‍ക്കുള്ള ലൈംഗിക പാഠങ്ങളും ബ്ലോഗിലുടെ പങ്കുവയ്‌ക്കുന്നുണ്ടെന്നും ക്ലൗഡിയ വ്യക്തമാക്കുന്നു.