ഇന്ത്യന്‍ പ്രധാനമന്ത്രി നരേന്ദ്ര മോദിയുടെ റഷ്യന്‍ സന്ദര്‍ശനം നിരാശയുണ്ടാക്കിയെന്ന് യുക്രൈന്‍ പ്രസിഡന്റ് വ്‌ളാദിമിര്‍ സെലന്‍സ്‌കി. റഷ്യന്‍ മിസൈല്‍ ആക്രമണത്തിന്റെ അതേദിവസം തന്നെ നരേന്ദ്രമോദി-പുടിന്‍ കൂടിക്കാഴ്ച നടന്നത് സമാധാനത്തിനേറ്റ് തിരിച്ചടിയാണെന്ന് സെലന്‍സ്‌കി പറഞ്ഞു. സോഷ്യല്‍ മീഡിയ എക്‌സിലാണ് സെലന്‍സ്‌കി അഭിപ്രായം പറഞ്ഞത്. റഷ്യയുടെ മിസൈല്‍ ആക്രമണത്തില്‍ 37 പേരാണ് കൊല്ലപ്പെട്ടത്. തിങ്കളാഴ്ചയാണ് നരേന്ദ്രമോദി രണ്ടുദിവസത്തെ റഷ്യന്‍ സന്ദര്‍ശനം ആരംഭിച്ചത്.
