ഐഎസ് ഭീകരർ ലൈംഗിക അടിമകളാക്കി വച്ചിരിക്കുന്ന യസീദി പെൺകുട്ടികളെ വാട്സ് ആപ്പിലൂടെയും ടെലിഗ്രാമിലൂടെയും വിൽക്കുന്നതായി റിപ്പോർട്ട്. പെൺകുട്ടിയുടെ ചിത്രങ്ങൾ, അവളെ അടിമയാക്കി വച്ചിരിക്കുന്ന ഉടമയുടെ പേര്, വിലയെത്ര തുടങ്ങിയ വിവരങ്ങളാണ് വാട്സ് ആപ്പിലൂടെയും ടെലിഗ്രാമിലൂടെയും പുറത്തുവരുന്നത്.
‘കന്യകയും സുന്ദരിയുമായ പെൺകുട്ടി, പന്ത്രണ്ട് വയസ്സ്, വില 12,500 ഡോളർ കടന്നു, ഉടൻ തന്നെ വിൽക്കപ്പെടും’– എന്നിങ്ങനെയുള്ള വാര്‍ത്തകളാണ് മൊബൈൽ മെസേജിങ് സേവനമായ ടെലിഗ്രാമിലൂടെ പ്രചരിക്കുന്ന ഐഎസിന്റെ പരസ്യത്തില്‍ പറയുന്നത്.
ഭീകരപ്രവർത്തനങ്ങൾക്ക് പണം സ്വരൂപിക്കാനാണ് പെൺകുട്ടികളെ കച്ചവടം ചെയ്യുന്നതെന്നാണ് സൂചന. അറബി ഭാഷയിലാണ് പരസ്യം നല്‍കിയിരിക്കുന്നത്. 2014 ൽ മാത്രം ആയിരക്കണക്കിനു യസീദി യുവതികളെയും കുട്ടികളെയുമാണ് ഭീകരർ തടവിലാക്കി വച്ചിരുന്നത്.