തകര്‍ന്നു വീണ വിമാനത്തിനായി തിരച്ചില്‍ നടത്തുന്ന വിമാനം, തകര്‍ന്ന വിമാനത്തിന്റെ അവശിഷ്‌ടങ്ങള്‍ കണ്ടെത്തി. ഇന്തോനേഷ്യയുടെ കിഴക്കന്‍ പ്രവിശ്യയായ പാപ്പുവയിലെ ഒരു മലകമുകളില്‍ തകര്‍ന്ന വിമാനത്തിന്റെ അവശിഷ്‌ടങ്ങള്‍ കണ്ടത്തിയതായാണ് റിപ്പോര്‍ട്ടുകള്‍.
പാപ്പുവ പ്രവിശ്യയുടെ തലസ്ഥാനമായ ജയപുര പട്ടണത്തില്‍നിന്ന് ഓക്‌സിബില്‍ എന്ന പര്‍വതപ്രദേശ പട്ടണത്തിലേക്കു പുറപ്പെട്ട ട്രിഗാന എയര്‍ സര്‍വ്വീസ് ഓപ്പറേറ്റ് ചെയ്യുന്ന എ ടി ആര്‍ 42-300 വിമാനമാണ് ഞായറാഴ്ച കാണാതായത്. കാണാതാകുമ്പോള്‍ വിമാനത്തില്‍ 44 മുതിര്‍ന്ന യാത്രക്കാരും അഞ്ചു കുട്ടികളും അഞ്ചു ജീവനക്കാരുമായിരുന്നു ഉണ്ടായിരുന്നത്.
