കശ്‌മീര്‍ വിഷയത്തില്‍ മധ്യസ്ഥനാകാമെന്ന നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ വാഗ്‌ദാനം സ്വാഗതം ചെയ്യുന്നതായി പാകിസ്ഥാന്. പാക് വിദേശകാര്യ മന്ത്രാലയം ആണ് ഇക്കാര്യം അറിയിച്ചത്. കശ്‌മീര്‍ വിഷയത്തില്‍ ഇന്ത്യയും പാകിസ്ഥാനും തമ്മിലുള്ള പ്രശ്നങ്ങള്‍ പരിഹരിക്കുന്നതിന് മധ്യസ്ഥനായി ഇടപെടാമെന്ന് ആയിരുന്നു ട്രംപിന്റെ വാഗ്‌ദാനം.
അതേസമയം, ട്രംപ് വിജയിച്ചത് പാകിസ്ഥാന് ആശങ്കയുണ്ട്. ട്രംപിന്റെ മുസ്ലിം വിരുദ്ധ നിലപാടും ഇന്ത്യയില്‍ അദ്ദേഹത്തിന് ബിസിനസ് സ്ഥാപനങ്ങള്‍ ഉള്ളതുമാണ് പാകിസ്ഥാന്റെ പേടിക്ക് കാരണം. ഇതെല്ലാം, പാകിസ്ഥാനെതിരായ നടപടി സ്വീകരിക്കാന്‍ ട്രംപിനെ പ്രേരിപ്പിക്കുമോ എന്നാണ് പാകിസ്ഥാന് നോക്കുന്നത്.
