ഈജിപ്ഷ്യന്‍ യാത്രാ വിമാനം റാഞ്ചി
അലക്സാൻഡ്രിയയിൽ നിന്നു കയ്റോയിലേക്ക് പോയ ഈജിപ്ഷ്യൻ വിമാനം റാഞ്ചി. ഈജിപ്റ്റ് എയറിന്റെ എ320 വിമാനമാണ് തട്ടിക്കൊണ്ടുപോയത്. സൈപ്രസ് ദ്വീപിലെ ലാര്‍ണാക വിമാനത്താവളത്തില്‍ വിമാനം ഇറക്കിയതായി സിവില്‍ ഏവിയേഷന്‍ വകുപ്പും പൊലീസും അറിയിച്ചു. പ്രാദേശിക സമയം 08.46നാണ് ലർനാകയിൽ വിമാനം ഇറക്കിയത്.
അന്‍പത്തിയഞ്ചു പേരാണ് വിമാനത്തിൽ ഉള്ളതെന്നാണ് പ്രാഥമിക വിവരം. വിമാനത്തിൽ ഉണ്ടായിരുന്ന സ്ത്രീകളെയും കുട്ടികളെയും പുറത്തുപോകാൻ അനുവദിച്ചതായും റിപ്പോർട്ടുകളില്‍ പറയുന്നു. കൂടാതെ വിമാനത്തിൽ ബോംബുവച്ചിരുന്നതായും സ്ഥിരീകരിക്കാത്ത റിപ്പോർട്ടുകളുണ്ട്.
