സോചി ശീതകാല ഒളിമ്പിക്സ് ഭീകരര്‍ ലക്ഷ്യം വയ്ക്കുന്നതായി യു എസിന്റെ മുന്നറിയിപ്പ്. അമേരിക്കന്‍ വിമാന സര്‍വീസുകള്‍ക്കും വിദേശ വിമാന സര്‍വീസുകള്‍ക്കുമാണ് യു എസ് സര്‍ക്കാര്‍ ജാഗ്രതാ നിര്‍ദ്ദേശം നല്‍കിയിരിക്കുന്നത്. റഷ്യയിലേക്ക് പറക്കുന്ന വിമാനങ്ങള്‍ ഭീകരര്‍ ലക്ഷ്യം വയ്ക്കുന്നു എന്നാണ് മുന്നറിയിപ്പില്‍ പറയുന്നത്.
ടൂത്ത് പേസ്റ്റ് ട്യൂബുകളില്‍ സ്ഫോടകവസ്തുക്കള്‍ നിറച്ച് വിമാനങ്ങള്‍ വഴി സോചിയിലേക്ക് അവ ഒളിച്ചുകടത്താന്‍ ഭീകരര്‍ ശ്രമം നടത്തിയേക്കും എന്നാണ് മുന്നറിയിപ്പ്.
എന്നാല്‍ സോചി ഒളിമ്പിക്സില്‍ പങ്കുകൊള്ളാന്‍ യാത്ര പുറപ്പെടുന്നതില്‍ നിന്ന് യു എസ് പൌരന്മാരെ വിലക്കിയിട്ടില്ല.
