പ്രശസ്ത ഹോളിവുഡ് നടന്‍ ബോബ് ഹോസ്കിന്‍സ് അന്തരിച്ചു

പ്രശസ്ത ഹോളിവുഡ് നടന്‍ ബോബ് ഹോസ്കിന്‍സ് അന്തരിച്ചു. 71 വയസായിരുന്നു. ന്യൂമോണിയ ബാധയെ തുടര്‍ന്ന് ചികിത്സയിലായിരുന്നു അദ്ദേഹം.

1987ല്‍ മൊണാലിസ എന്ന ചിത്രത്തിലെ അഭിനയത്തിന് ഓസ്കര്‍ അവാര്‍ഡ് അദ്ദേഹത്തെ തേടിയെത്തിയിട്ടുണ്ട്.  മൊണാലിസ അദ്ദേഹത്തിന്റെ കരിയറിലെ മികച്ച സിനിമയായാണ് വിലയിരുത്തപ്പെടുന്നത്. ബാഫ്റ്റ,​ ഗോള്‍ഡന്‍ഗ്ലോബ് അവാര്‍ഡുകളും അദ്ദേഹത്തിന് ലഭിച്ചിട്ടുണ്ട്. 

2012ല്‍ അഭിനയ രംഗത്ത് നിന്നും വിട പറഞ്ഞ ഹോസ്കിന്‍സിന് അവസാന കാലത്ത് പാര്‍ക്കിന്‍സന്‍രോഗവും പിടിപ്പെട്ടിരുന്നു. 2012ല്‍ പുറത്തിറങ്ങിയ സ്നോ വൈറ്റ് ആന്‍ഡ് ദ ഹണ്ട്സ് മാന്‍ എന്ന ചിത്രത്തിലാണ് ഹോസ്കിന്‍സ് അവസാനമായി അഭിനയിച്ചത്. 

1942 ഒക്ടോബര്‍ 26ന് ബ്രിട്ടണിലെ സഫോല്‍ക്കയിലാണ് അദ്ദേഹം ജനിച്ചത്. 1970കളിലാണ് അദ്ദേഹം ടെലിവിഷന്‍-സിനിമ അഭിനയ രംഗത്തേക്ക് വരുന്നത്.