യുഎസ് പ്രസിഡന്റ് ബറാക് ഒബാമയെ അത്യന്താധുനിക ആയുധമുപയോഗിച്ച് കൊല്ലാനുള്ള വധശ്രമം എഫ്ബിഐ തകര്‍ത്തു. എക്സ്-റെ ഗണ്‍ ഉപയോഗിച്ച് കനത്ത റേഡിയേഷന്‍ പ്രഹരം നല്‍കി ഒബാമയെ വധിക്കാനായിരുന്നു അക്രമികളുടെ പദ്ധതി.
എക്സ്-റെ ആയുധം നിര്‍മ്മിച്ച രണ്ടു പേരെ അന്വേഷണ ഏജന്‍സി കസ്റ്റഡിയില്‍ എടുത്തു. ഗ്ലെന്‍ഡന്‍ സ്‌കോട്ട് ക്രൗഫോര്‍ഡ്, എറിക് ജെ ഫെയ്റ്റ് എന്നിവരാണ് പിടിയിലായത്. ബോസ്റ്റണ്‍ സ്‌ഫോടനങ്ങളില്‍ ഒബാമ സ്വീകരിച്ച നിലപാടില്‍ പ്രതിഷേധിച്ചായിരുന്നു വധശ്രമം.
ഒബാമയുടെ തെറ്റായ നയങ്ങളാണ് ബോസ്റ്റണ്‍ സ്‌ഫോടനങ്ങള്‍ക്ക് പിന്നിലെന്നും മതിയായ പരിശോധന കൂടാതെ ഒബാമ മുസ്ലീംജനതയെ രാജ്യത്തേക്ക് കടത്തിവിടാന്‍ നിര്‍ദേശം നല്‍കിയെന്നും ഇതിലുള്ള പ്രതിഷേധമാണ് ഒബാമയെ വധിക്കാനുള്ള തീരുമാനത്തിനു പിന്നിലെന്നും അക്രമികള്‍ വ്യക്തമാക്കി.
ഇസ്രായേലിന്റെ ശത്രുക്കളെ ഇല്ലാതാക്കാനുള്ള ആയുധമുണ്ടോയെന്ന് തിരക്കി ഇയാള്‍ പലസ്ഥലങ്ങളും സന്ദര്‍ശിച്ചിരുന്നെന്ന് രഹസ്യാന്വേഷണ ഏജന്‍സിക്ക് വിവരം ലഭിച്ചിരുന്നു. അന്നു മുതല്‍ ഏജന്‍സിയുടെ നിരീക്ഷണത്തിലായിരുന്നു ക്രൗഫോര്‍ഡ്.
