അടുത്തവര്‍ഷം സപ്തംബര്‍ 22-ന് പേടകം ചൊവ്വയുടെ അടുത്തെത്തും. നവംബര് 5-ന് വിക്ഷേപിച്ച ഇന്ത്യയുടെ മംഗള്യാന് ചൊവ്വോപരിതലത്തിലെത്തുന്നതിന് രണ്ടുദിവസം മുമ്പ് മാവെന്‍ എത്തുമെന്നാണ് കണക്കാക്കുന്നത്. ചൊവ്വയിലെ ജലസാന്നിധ്യത്തെക്കുറിച്ച് മാവെന്‍ പഠിക്കും.
അഞ്ചുവര്‍ഷത്തിനിടെ ഭൂമിയും ചൊവ്വയും ഏറ്റവും അടുത്തുവരുന്ന സമയമായിരുന്നു ഒക്ടോബര്‍ 21 മുതല്‍ നവംബര് 19 വരെയുള്ള കാലം. ഇതാണ് ഇരുരാജ്യങ്ങളും ഈ മാസം വിക്ഷേപണത്തിന് തിരഞ്ഞെടുക്കാന്‍ കാരണം.
671 മില്യണ്‍ ഡോളര്‍ ചിലവുണ്ടായ പദ്ധതിയായിരുന്നു മാവെന്റേതെന്ന് ഏജന്‍സികള്‍ റിപ്പോര്‍ട്ട് ചെയ്തു. 74 മില്യണ്‍ ഡോളര്‍ മാത്രമാണ് പക്ഷേ മംഗള്യാന് പദ്ധതിക്ക് ചിലവായതെന്നും റിപ്പോര്‍ട്ടുകളുണ്ടായിരുന്നു.
