വെള്ളം കുടിച്ചു കൊണ്ട് തുടങ്ങാം
ചര്‍മ്മ സംരക്ഷണത്തിന് ഏറ്റവും പ്രധാനപ്പെട്ടത് ശരീരത്തില്‍ ജലാംശം നിലനിര്‍ത്തുക എന്നതാണ്. രാവിലെ ബെഡില്‍ നിന്ന് എഴുന്നേറ്റ ശേഷം ഒരു ഗ്ലാസ് വെള്ളം കുടിക്കുന്നത് നല്ലതാണ്. ചര്‍മ്മത്തിലെ വിഷവസ്തുക്കളെ പുറന്തള്ളാനും ആരോഗ്യകരമായ ചര്‍മ്മത്തെ പ്രോത്സാഹിപ്പിക്കാനും ഇത് സഹായിക്കും.
ക്ലൈന്‍സര്‍
ശേഷം മുഖം കഴുകുന്നതിനായി കെമിക്കലുകള്‍ അധികമില്ലാത്ത ഒരു ക്ലൈന്‍സര്‍ ഉപയോഗിച്ച് നന്നായി മുഖം കഴുകണം. ഇങ്ങനെ ചെയ്യുന്നതുകൊണ്ട് മുഖത്തെ വിയര്‍പ്പ്, എണ്ണ, മറ്റ് മാലിന്യങ്ങള്‍ എന്നിവ നീക്കം ചെയ്യാന്‍ പറ്റും. മുഖക്കുരു പോലുള്ളവ വരാതിരിക്കാന്‍ ഇങ്ങനെ ചെയ്യുന്നത് സഹായിക്കും.
