കുട്ടികള്‍ പറയുന്ന കള്ളത്തരത്തിന് അവരെ ശിക്ഷിക്കുന്നത് നല്ല കാര്യമല്ല. പകരം കാര്യങ്ങള്‍ അവര്‍ക്ക് മനസ്സിലാകുന്ന രീതിയില്‍ പറഞ്ഞു കൊടുക്കുക. ശിക്ഷകള്‍ നല്‍കുന്നത് കുഞ്ഞുങ്ങള്‍ക്ക് അമിതമായി ഭയം ഉണ്ടാക്കാം. ജീവിതത്തില്‍ കള്ളം പറയുന്നത് മൂലം ഉണ്ടാകുന്ന പ്രശ്‌നങ്ങള്‍ കുട്ടികള്‍ക്ക് മനസ്സിലാക്കി കൊടുക്കുക വിശ്വസ്തത നശിപ്പിക്കാനും ബന്ധങ്ങള്‍ തകര്‍ക്കാനും ഇത് കാരണമാകും എന്ന് അവരെ പറഞ്ഞ് ബോധ്യപ്പെടുത്തുക.
കുട്ടികള്‍ക്ക് അവരുടെ എല്ലാ കാര്യങ്ങളും സംസാരിക്കാനുള്ള ഒരു ഇടം വീട്ടില്‍ ഒരുക്കണം. ഇത്തരം സാഹചര്യങ്ങള്‍ അവരുടെ തെറ്റുകളും കാഴ്ചപ്പാടുകളും ഒക്കെ തുറന്ന് സംസാരിക്കാന്‍ കുഞ്ഞുങ്ങള്‍ക്ക് ഊര്‍ജ്ജം നല്‍കും. സത്യസന്ധതയെ കുറിച്ചുള്ള കഥകളും കുട്ടികള്‍ക്ക് ഇഷ്ടമുള്ള കാര്യങ്ങളും അവര്‍ക്ക് പറഞ്ഞുകൊടുക്കുന്നത് കൊണ്ട് കാര്യങ്ങള്‍ എളുപ്പത്തില്‍ അവര്‍ക്ക് മനസ്സിലാകാന്‍ സാധിക്കും.
