നമ്മുടെ വീടുകളിലെ സ്ഥിരം സാനിദ്ധ്യമാണ് വെള്ളരിക്ക. കറിയായും ജ്യൂസായും പച്ചയ്ക്കുമൊക്കെ വെള്ളിരക്ക കഴിക്കാറുണ്ട്. വെള്ളരിക്കയില്‍
ജലാംശം ധാരാളമായി അടങ്ങിയിട്ടുണ്ട്. കൂടാതെ വിറ്റാമന്‍ സി, പൊട്ടാസ്യം, സള്‍ഫര്‍, ക്ലോറിന്‍, സോഡിയം,ഇരുമ്പ്, പ്രോട്ടീന്‍ എന്നിവയും വെള്ളരിക്കയില്‍ അടങ്ങിയിട്ടുണ്ട്. വെള്ളരിക്കയുടെ 95 ശതമാനവും വെള്ളമാണെങ്കിലും ബാക്കയുള്ള 5 ശതമാനവും പോഷകഘടകങ്ങളാണ്. അസഡിറ്റി ഉള്ളവര്‍ വെള്ളരിക്ക കഴിക്കുന്നത് നല്ലതാണ്. അതുപോലെ തന്നെ ശരീരത്തില്‍ അമിത അമ്ലത്വമുള്ളവരും വെള്ളരിക്ക കഴിക്കുന്നത് നല്ലതാണ്. കോശങ്ങളുടെ വളര്‍ച്ചയ്ക്കും സന്തുലനത്തിനും സഹായിക്കുന്ന ഘടകങ്ങള്‍ വെള്ളരിക്കയില്‍ അടങ്ങിയിട്ടുണ്ട്. അള്‍സര്‍, രക്തസമ്മര്‍ദ്ദം, വിളര്‍ച്ച, എന്നിവ കുറയ്ക്കാന്‍ വെള്ളരിക്ക കഴിക്കുന്നത് നല്ലതാണ്.