മുടിയുടെ സംരക്ഷണം എന്നത് ഏറെ ബുദ്ധിമുട്ടുള്ള കാര്യം തന്നെയാണ്. മുടി കൃത്യമയി വളരുന്നതിനും മുടിയുടെ സ്വാഭാവികത നിലനിർത്തുന്നതിനും ഒരുപാട് കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്. മുടി കൃത്യമായി വളരുന്നില്ല എന്ന് മിക്ക ആളുകളും പറയാറുള്ള പരാതിയാണ്. എന്നാൽ ജീവിത ക്രമത്തിൽ ചില കാര്യങ്ങൾ ശ്രദ്ധിച്ചാൽ ആരോഗ്യമുള്ള മുടി തഴച്ചുവളരും.
മുടിയുടെ അറ്റം കൃത്യമായ ഇടവേളകളിൽ വെട്ടി ക്രമപ്പെടുത്തുന്നത് മുടി വേഗത്തിൽ വളരുന്നതിന് സഹയിക്കും. ഈ വിദ്യ നമ്മുടെ മുത്തശ്ശിമാർ ചെയ്തിരുന്നതാണ്. ഇത് ചെയ്യ്യുന്നതിലൂടെ മുടി കൂടുതൽ അരോഗ്യമുള്ളതായി മാറുകയും കൃത്യമായ വളർച്ച ഉണ്ടാവുകയും ചെയ്യും. മുടി ചീകുമ്പോൾ ശ്രദ്ധിക്കുക എന്നതും വളരെ പ്രധാനമാണ്. ശരിയല്ലാത്ത രീതിയി മുടി ചീകുന്നത്. മുടി പൊട്ടുന്നതിനും വളർച്ച മുരടിക്കുന്നതിനും കാരണമാകും.
മുടിയിൽ ഷാംപു ചെയ്യുന്നതാണ് ശ്രദ്ധിക്കേണ്ട മറ്റൊരു കാര്യം. ദിവസേന മുടിയിൽ ഷാംപു ഉപയോഗിച്ചാൽ മുടിയുടെ വളർച്ച തടസപ്പെടും. ഷാം‌പുവിൽ അടങ്ങിയിരിക്കുന്ന രാസപദാർത്ഥങ്ങളാണ് ഇതിന് കാരണമാകുന്നത്. ആഴ്ചയിൽ ഒരിക്കൽ മാത്രം മുടി ഷാംപൂ ചെയ്യുന്നതാന് നല്ലത്. ചെറുപയറ് പൊടികൊൺറ്റ് മുടി കഴുകുന്നത് നല്ലതാണ്. മുടിയിൽ ഏപ്പോഴും കൃത്യമായ ഇർപ്പം സൂക്ഷിക്കേണ്ടതുണ്ട്.
