പാലിന്റെ പോഷകഗുണങ്ങളെക്കുറിച്ച് നമുക്കെല്ലാം അറിയാവുന്നതാണ്. നിറം കൊണ്ടും രുചി കൊണ്ടും മാത്രമല്ല പാൽ ഏവർക്കും പ്രിയപ്പെട്ടതാകുന്നത്. അതിലടങ്ങിയ പോഷകഗുണങ്ങൾകൊണ്ടുകൂടിയാണ്. കുറഞ്ഞ വിലയ്‌ക്ക് കൂടുതൽ പോഷകമായതുകൊണ്ട് ഇത് എന്നും ജനപ്രിയമാണ്. രാവിലെ ഒരു ഗ്ലാസ് പാല് കുടിക്കുന്നത് ഊർജ്ജവും ഉന്മേഷവും ഒരുപോലെ നൽകും. എന്നാൽ രാത്രികാലങ്ങളിൽ പാൽ കുടിക്കുന്നതുകൊണ്ടുള്ള പ്രയോജനങ്ങൾ അറിയാമോ?
ആദ്യരാത്രിയിൽ പാൽ കുടിക്കുന്നതിന്റെ പിന്നിലും ഇങ്ങനെചില കാര്യങ്ങളുണ്ട്. വിവാഹ ദിവസത്തിന്റെ ആഘോഷവും അലച്ചിലുമെല്ലാം കഴിയുമ്പോള്‍ പൊതുവേ ദമ്പതികള്‍ ക്ഷീണിതരാകും, ഈ ക്ഷീണത്തിൽ നിന്ന് മോചനം നേടാനും പാൽ മികച്ചതാണ്. കൂടാതെ ആയുര്‍വേദ പ്രകാരം പ്രത്യുല്‍പ്പാദനശേഷി വര്‍ധിപ്പിക്കാന്‍ പാല് സഹായിക്കും എന്ന് കാമാസൂത്രയിലും പറയുന്നു. പാലിൽ അൽപ്പം കുങ്കുമപ്പൂവ്, ബദാം, മഞ്ഞൾ, കൽക്കണ്ടം തുടങ്ങിയവയും ചേർക്കുന്നത് അത്യുത്തമമാണ്.
