പിരിമുറുക്കം കൂടുതല്‍ അനുഭവപ്പെടുമ്പോള്‍ സമോസ, ബര്‍ഗര്‍ തുടങ്ങി ജങ്ക് ഫുഡ്സ് കഴിക്കുന്നത് ആന്‍സൈറ്റ് വര്‍ധിപ്പിക്കുമെന്ന് പഠനം. യൂണിവേഴ്‌സിറ്റി ഓഫ് കൊളറാഡോ മൃഗങ്ങളില്‍ നടത്തിയ പഠനത്തിലാണ് ഇത് സംബന്ധിച്ച കണ്ടെത്തലുണ്ടായത്. ഉയര്‍ന്ന അളവില്‍ ഫാറ്റ് അടങ്ങിയ ഇത്തരം ഭക്ഷണങ്ങള്‍ കുടലിലെ ബാക്ടീരിയകളിലെ സ്വാഭാവം മാറ്റുകയും ഉത്കണ്ഠ വര്‍ധിപ്പിക്കുന്ന തരത്തില്‍ തലച്ചോറിലെ രാസവസ്തുക്കള്‍ മാറ്റുകയും ചെയ്യുന്നതാണ് ഇതിന് കാരണം.
ചെറിയപ്രായത്തില്‍ ഇത്രയും കൊഴുപ്പടങ്ങിയ ഭക്ഷണങ്ങള്‍ കഴിക്കുന്നത് ഷോര്‍ട്ട് ടേം ആയിട്ടാണെങ്കിലും ഉത്കണ്ഠ വര്‍ധിപ്പിക്കുന്നതിന് കാരണമാകുമെന്നാണ് പഠനം തെളിയിക്കുന്നത്.പഠനത്തിലുടനീളം ഗവേഷകര്‍ മൃഫങ്ങളിലെ മൈക്രോബയോം/കുടലിലെ ബാക്ടീരിയകളെ കാര്യമായി പഠിച്ചിരുന്നു. എല്ലാ കൊഴുപ്പുകളും പ്രശ്‌നക്കാരല്ലെന്നും ഉദാഹരണത്തിന് മീനില്‍ നിന്നും കിട്ടുന്ന കൊഴുപ്പ്, നട്ട്‌സില്‍ നിന്നും വിത്തിനങ്ങളില്‍ നിന്നും ലഭിക്കുന്നവ, ഒലീവ് ഓയില്‍ എന്നിവയെല്ലാം ശരീരത്തിന് ദോഷം ചെയ്യുന്നതല്ലെന്ന് ഗവേഷകര്‍ പറയുന്നു.